دیلیمیز،ادبیاتیمیز Dilimiz,Edebiyatımız
"پیریکلی آرتان"ین یازی لاری
صفحات وبلاگ
آرشیو وبلاگ
نویسنده: پیریکلی آرتان Pirikli Artan - ۱۳٩۳/۱٢/٢٧

1.آغین سویونور گئییر یاشیل کورکون

سیز ده یئر سایاغی گئیینیز گؤیچک

یاشیل أته ک گئییر آتیر آغ بؤرکون

داغ سایاغی گئیینیز یاشیل أته ک

بو بایرامیز تزه ایلیز موبارک

2.قادا گئدیر بیزلره گه لیر اوُغوُر

یاشاییش أل آتیب اؤلومو بوغوُر

یئر آنامیز بیزی تزه دن دوغوُر

اونوُن کالاسیندان سودوندن أمه ک

بو بایرامیز تزه ایلیز موبارک

3.یاز تَکین قیش قاباغیندا دؤشو گه ر

چیچه یی گولو سن دوزه دؤشه سه ر

یار یولداشا أییل بیر قوجاق گول ده ر

اوره کلرده یاشیل یاشیل شنلیک أک

بو بایرامیز تزه ایلیز موبارک

4.یاشیللانیز خولوزا قوشلار قونا

قویماییز بو کؤکوز کؤتوگوز دونا

دوغا تکین گیریز بیر تزه دونا

تور ایچیندن چیخیز اولوُز کَپه نَک

بو بایرامیز تزه ایلیز موبارک

5.أرأسکی دن بوشالدیز کوره ییزی

گَله ن قیشا ساخلاییز کوره ییزی

یوُیوُن چیمیزدیرین سیز اوره ییزی

چَکین أینینه سئوگی دن بیر کؤینِک

بو بایرامیز تزه ایلیز موبارک

6."پیریکلی" بایرامی دئدین موبارک

ییغیشین گؤروشه گئدین موبارک

بیرلیکده بو ایلی ائدین موبارک

آی ائللَر هاممیزا دئییرم تک تک

بو بایرامیز تزه ایلیز موبارک

1390/12/24

پیریکلی آرتان Pirikli Artan
پیریکلی آرتانام آرتان نیسگیل لر دارتانام دارتان ائلین دَرین یوخوسوندا اویاق بیر جیرتدانام جیرتدان!
نویسندگان وبلاگ:
دوستان من:
کدهای اضافی کاربر :